Тимовите на ПСС при Црвен крст Охрид, кои од рано утрово патролираат по должина на граничната линија, информираа дека најголем дел од огнената линија, особено во високите делови од планината, под дејство на ниските утрински температури и росата е веќе изгасната, но сѐ уште има појава на слабо тлеење во пониските делови, над месноста Војтино.
Тимовите се на терен и во директна комуникација со Националниот Парк Галичица, од каде се очекува да пристапат и нивни тимови, за целосна ликвидација на пожарот.
